Dərd vermisən qalaq-qalaq,
Mən bu dərddən həzz alıram.
Yeri qalıb zolaq-zolaq,
Mən bu dərddən həzz alıram.
Qocalıram, zaman qaçır,
Tutammıram, aman, qaçır,
Məni görən yaman qaçır,
Mən bu dərddən həzz alıram.
Dostum olub saçımda dən,
Ürəyimdir dərdimə tən,
Xoşbəxtliyi neynirəm mən,
Mən bu dərddən həzz alıram.
Nə olsa də mənə qəsdi,
Deməyəcəm yetər, bəsdi,
Yenə də ver isti-isti,
Mən bu dərddən həzz alıram.
elaa